مشاعرك مؤقتة
مشاعرك – مهما كانت شدتها – هتكون مؤقتة ،، فـ متخليهاش تجبرك على قرار ممكن يأثر عليك طول العمر.
مفيش اختلاف إن المشاعر – لو كانت ناضجة وحقيقية – ممكن تشارك جزئيًا في صناعة بعض القرارات .. لكن مينفعش تتجاهل معطيات العقل وإشارات المنطق وتبدأ قرار مهم في حياتك بجملة « أنا حاسس! »
ولذلك اللي بياخد قرار وهو في قمة الغضب أو في قمة السعادة غالباً هيفقد عنصر الحكمة اللي بيساعده بشكل عبقري على وضع الأمور في نطاقها الصحيح.
زي ما كان بيقول John Powell في أحد مقدماته البليغة « ليس من الضروري للإنسان الناضج أن يفعل كل ما تمليه عليه عواطفه ومشاعره »
ف راحة الإنسان مش بس مرتبطة بإتخاذ قرارات مفيدة أحيانًا بتكون مرتبطة بـ إمتناعه عن إتخاذ قرارات ساذجة.
– د/ أحمد الفقي