حفاظًا علً هدر الطاقة
مؤخرًا اكتشفت مهارة جديدة اسمها الصمت (عدم الرد)، وهنا أنا مش بتكلم عن صمت الخوف أو الضعف أو لأني مش عارف أرد؛ لكن بتكلم عن “فن” الصمت ،، واللي بعتبرها لا تَقِل أهمية عن فن التواصل.
ولأن الشيء الدارج في مجتمعنا إني أكون بعرف أرد وأكسب النقاش، إلا إن السكوت غالبًا بيكون في بعض الأوقات أقوى وأنسب رد فعل.. لأنك أحيانًا حتى لو كنت بتتكلم في الصح فمش دايمًا هتكون بتكلم بني آدم عقله قادر يدرك إن ده الصح أو إن يكون عنده شجاعة تصحيح المفاهيم والتخلي عن معتقداته الغلط والاعتراف بده.
فحفاظًا علً هدر الطاقة؛ في مواقف بتتطلب الحكمة أكتر من الذكاء.
– أندرو عماد