نجاحك هو نجاحهم

وانت تخدم في خدمتنا، شنوة مشكلتك؟
مشكلتك نفسك؟ حياتك؟ مدخولك؟ نجاحك…الخ
اذا كان هذي هي مشاكلك، تنجم تنجح في الخدمة، لكن نجاحك باش يكون ديما محدود، ضيق، قصير المدى، تعرف علاش؟
على خاطر مشكلتك نفسك.
باهي شنوة يلزم ؟
يلزم تخمم في الناس الي حولك، الي تحبهم والي يحبوك، اهلك اصحابك شركائك… نجاح الناس هاذم هو القضية متاعك مش نجاحك انت كشخص.
وتتصور اذا الناس الي حولك ينجحوا، انت تنجح ولا؟
أكيييييد تنجح، ملا علاش لتوة مزلت تخمم في روحك؟
خلي قضيتك في الحياة هو انك تكون باب خير ورزق لأكبر عدد ممكن مالناس، انك تكون مفتاح للخير مغلاق للشر، انك تكون ناصح أمين تحب تشوف الناس الي حولك فرحانين ومرتاحين.

ماكش باش تكون سبب في نجاح الناس الكل الي حولك، لكن باش تتسبب في نجاح الي بلحاق يستاهلو ينجحوا ويستاهلو يقدموا، وماهمش باش يكونوا برشا، لازمك تلقاهم ولازمك تحكي معاهم، ولازمك تخليهم يحسوا بطاقة الحب الي عندك تجاهك، حب الخير 💚
نجاحك هو نجاحهم
نجاحك هو نجاحهم
نجاحك هو نجاحهم